لە ئامێزی پەنجەرەدا
١
شەپۆلی با
لە تۆ سترانێکی هەڵدا…
مانگ
وەستا و چاوی بڕی،
شتێکی نەگوت.
دارێک
هەتا بەیان
لە تاوی چاوەڕوانی
لەرزی.
٢
بیری تۆ،
بە زمانی باران،
لەسەر بان باری…
تەنانەت بەردەڕێگاکانیش
بێدەنگیی کۆڵان
گوێیان لێ بوو.
٣
گەڵایەکی کۆن
لە حەوشەی تەڕدا
خولایەوە…
دڵێکی خەمبار،
بێبەزەیی،
لە خۆی پێچا…
بەیانیش،
لە پشت دەرگا،
دواکەوتوو هات.
٤
نیشانەی تەڕی نیگات
بەسەر دیواردا
خشی…
خشخشەی پێڵاوەکان
لە ناو با دا
سووڕایەوە.
شەو
بێهەرا ڕۆیشت.
٥
زریان
شوێنی هەنگاوەکانت
ڕفاند…
دیواری کۆڵان
ناڵی.
٦
ئامێزی کراوەی پەنجەرە
بۆنی دەستی بەهار
هەڵمژی.
٧
لە مەستیی هاتنت،
لە ڕووتیی پاییزدا…
خوێنی گوڵچکە
لە بێگەڵایی ژیاندا
هەڵقوا.
No comments:
Post a Comment