خۆزگەم وایە
شێوەی پێکەنینەکەت
لەسەر ئاسمانی سارد
،بکێشم
تا هەور
جارێکی تر لە شانەکانی شار
،نەگریت
و گرێی تاریکیی ڕۆژگار
بە بارانی خۆشەویستی
.بشوێت
خۆزگەم وایە
بێتابیی چاوانت
،بال بگرێت
تا شوێنی ونبووان
لە ئاوی ڕەشی سێبەرەکاندا
،بگەڕێم
و هەواڵێکی خۆش بە یارانی دڵدار
لە هەموو کۆڵان و گەڕەکێک
.بڵێم
خۆزگەم وایە
بە ئاوازەی هەناسەکانت
،گۆرانییەک پێک بهێنم
تا تۆوی گوڵی نەرگس و سنبڵ
لە خاکی ماندووی ئەم زەویە
.بچێنم
کوڕانی نەترس
جلە هاوسەرگیرییان
،پێبکەم
و جلە ڕەشەکان
لە جەستەی دایکانی گەنج
.لاببەم
خۆزگەم وایە
کاتی بێوەستان
،لە دەست نەڕوات
و کەمێک کات بدات
تا جوانەی پڕشۆق
بە بۆنی باخی بارانخواردوو
.تێر بێت
خۆزگەم وایە
ڕەنگی توندی ڕۆژگار
لە ئاوێنەی چاوانتدا
...تەقەی پێ بێت
ئەرسلان – ویسبادن
٢٦ی شوبات ٢٠٢٦
No comments:
Post a Comment